قصة "الأصدقاء" قصة 3 أصحاب إتعرفو على بعض فى المدرسة و دخلو الجامعة و إتخرجو و إشتغلو و قبل ما الدنيا تاخدهم من بعض فكروا فى مشروع يجمعهم هما التلاتة لتقوية الصداقة بينهم و كان ثمار هذا الموضوع محل جناكليس.

محل جناكليس كان بالنسبة لهم المكان الذى يستمتعو فيه بتقديم منتج كويس للناس و يقابلو فيه بعض فكانت المتعة من الجانبين: الإستمتاع بالصحبة و خدمة العملاء.

كان دايما هدفنا الأساسى الذى إجتمعنا عليه هو تقديم أفضل جودة-بغض النظر عن السعر- مهما كانت الضغوط من المنافسين و هذا المبدأ مستمرين عليه حتى الآن، فالجودة تأتى فى المرتبة الأولى دائما حتى لو جت على حساب هامش الربح.

بدأنا نتعرف شوية بشوية و كانت المحلات تيجى تاخد مننا و أصبح منتجنا موجود فى كل مكان و دى كانت سابقة لأن زمان كان الزبادى موجود عند اللبان فقط. و استمرينا مرتبطين ببعض و حطين ايدنا فى ايد بعض و قابلتنا مشاكل كثيرة كنا بننتصر عليها فى النهاية بقوة الجماعة و بمبدأنا اللى عاهدنا بعض إننا لن نحيد عنه.

فلسفتنا

قوتنا تكمن في إنتاج  منتجات ألبان صحية، طبيعية 100%، آمنة، ذات جودة عالية بإستخدام الحليب بدون أي إضافات، مواد حافظة، ألوان أو نكهات صناعية. ولأننا نحصل على كامل إنتاج الحليب من مزارع مخصصة لنا فمنتجاتنا هى أفضل ما يمكنك الحصول عليه فى عالم الألبان.